深 圳 真 係 愈 來 愈 多 新 野 食，仲 要 平 靚 正，真 係 唔 食 點 對 得 住 自 己 呀？
第 一 集《 喜 茶 》
之前都係深圳南山「寶能太古城」飲過架喇，上次排左一陣隊，印象中唔係等左好耐。 今次去蛇口海上世界，竟然， 又 開 左 一 間 ！仲 要 唔 洗 排 隊！ 我聽到佢召喚我，唯有乖乖地行入去
O。M。G。 蛇 口 海 上 世 界 分 店 新 張 買 一 送 一只要你微信關注「喜茶」，就可以即刻買一送一 飲咩都得，唔洗話送番同一款。 開心得我今次叫左一杯 「芝芝桃桃」、 一杯「玉露茶后」
「芝芝桃桃」 期間限定故名思義就係 芝士奶蓋 + 蜜桃； 係 真‧蜜桃試問有幾可會飲到咁足料既飲品，而唔係藥水味或者一味得個甜字？ 重點 人民幣 28 ! 亦即係 460 円 ！ 請恕我詞窮，我當下真係即刻轉円先感覺到個震撼，460円你真係買唔到呢個組合，所以更加覺得好值呢個價。 好好飲，一啖芝士奶蓋 +一啖蜜桃 原來可以咁夾
「玉露茶后」芝士奶蓋 + 玉露茗茶系列之中最貴果杯，價值人民幣 29，上次飲左茶王，今次即管試吓茶后。咩叫玉露？ (唔係荔枝玉露果D玉露囉ok?)
日本綠茶貴族 - 玉 露 作為貴族，玉露唔單止帶有綠茶芬芳嘅香味，而且冇一般綠茶嘅苦澀味甚至腥味， 反而有一種清新感覺。
玉露除左要優良樹種，仲得到茶農特殊對待，茶樹以竹簾籠罩遮光，等佢可以喺陰涼處成長，所以一般比煎茶貴4倍，唔洗講，靚D再貴D啦。 聽講玉露呢個名就取自於沏泡後，翡翠色既茶湯。 矜貴嘅玉露，唔可以用熱水沖泡，攝氏50度溫水沖泡先可以帶出香味之餘唔會傷害到佢。 oh my god 你話係咪身嬌肉貴？
芝士軟滑 夠creamy，而茶味同芝士混合之後剛好有一種融和嘅感覺 飲完會覺得好清香，唔會澀口 5*推薦
《 喜 茶 》海上世界分店
深圳地鐵 : 海上世界站樓高兩層，室外亦有坐位
Comments